சென்னை தாம்பரம் பகுதியைச் சேர்ந்த வெங்கடேஷ், 32, காஞ்சிபுரம் அடுத்த சந்தோஷ்புரத்தைச் சேர்ந்த மகேஷ், 30, ஆகிய இருவரும், இவர்களது நண்பர்கள் நால்வரும், மூன்று மோட்டார் சைக்கிள்களில் சென்னையில் இருந்து திருப்பதிக்கு, நேற்று முன்தினம் சென்று கொண்டிருந்தனர். நகரி அடுத்த குண்டராஜுகுப்பம் அருகே, வெங்கடேஷ், மகேஷ் இருவரும் சென்று கொண்டிருந்த மோட்டார் சைக்கிள் மீது, எதிரே வந்து கொண்டிருந்த லாரி மோதியதில், வெங்கடேஷ், சம்பவ இடத்திலேயே இறந்தார். படுகாயம் அடைந்த நிலையில் மகேஷ், சிகிச்சைக்காக, சென்னைக்கு கொண்டு செல்லும் வழியில் இறந்து விட்டார். பிரேத பரிசோதனைக்குப் பின், இருவரின் உடல்களும் பெற்றோர்களிடம் ஒப்படைக்கப்பட்டன.

இரு விபத்துகள் குறித்து, நகரி போலீசார் வழக்குப் பதிவு செய்து, விசாரணை மேற்கொண்டுள்ளனர்.