மஞ்சூர் : மஞ்சூர் அரசு மருத்துவமனையில் உள் நோயாளிகளுக்கு உணவு வழங்கப்படுகிறது.

இந்த மருத்துவமனையில் நாள்தோறும் 200க்கு மேற்பட்டவர்கள் சிகிச்சை பெற்று வருகின்றனர். இதை தவிர, தற்போது உள் நோயாளியாக சிகிச்சைக்கு வருபவர்களுக்கு உணவு வழங்க அரசு நிதி ஒதுக்கீடு செய்து உத்தரவிட்டுள்ளதால் அனைவரும் மகிழ்ச்சி அடைந்துள்ளனர். இது குறித்து அரசு மருத்துவமனை தலைமை டாக்டர் ரகுபாபு கூறுகையில், ''உள் நோயாளியாக சிகிச்சைக்கு வருபவர்களுக்கு தற்போது 3 வேளையும் உணவு வழங்கப்படுவதால் மஞ்சூர் சுற்றுவட்டார பகுதி மக்கள் இனி வேறு பகுதிகளுக்கு செல்ல வேண்டியதில்லை. மஞ்சூர் அரசு மருத்துவமனையிலேயே சிகிச்சை பெறலாம்,'' என்றார்.