சென்னை : தகுந்த ஆவணம் இல்லாமல், சிங்கப்பூரில் இருந்து சென்னைக்கு கப்பலில் வந்த, 'எல்சிடி டிவி' மற்றும், வீடியோ கேமரா உள்ளிட்ட, 2 கோடியே 40 லட்ச ரூபாய் மதிப்பிலான மின்னணு பொருட்களை, வருவாய் புலனாய்வு பிரிவினர், பறிமுதல் செய்துள்ளனர்.

சிங்கப்பூரில் இருந்து சென்னைக்கு, கப்பலில் மின்னணு பொருட்கள் கடத்தப்படுவதாக, வருவாய் புலனாய்வுப் பிரிவினருக்கு, ரகசிய தகவல் கிடைத்தது.

மொத்தம், 170 'எல்சிடி டிவி'க்கள், 60 விலை உயர்ந்த வீடியோ கேமராக்கள் கைப்பற்றப்பட்டன. இவற்றின் மொத்த மதிப்பு, இரண்டு கோடியே 40 லட்ச ரூபாய். இதுகுறித்து வருவாய் புலனாய்வுப் பிரிவு கூடுதல் இயக்குனர் ராஜன் கூறும் போது, ''காட்டன் பட்ஸ், டூத் பிரஷ் இறக்குமதி என்ற பெயரில் விலை உயர்ந்த, 'எல்சிடி டிவி' மற்றும் வீடியோ கேமராக்கள் சிங்கப்பூரில் இருந்து சென்னைக்கு கடத்திவரப்பட்டுள்ளன. கன்டெய்னரில் குறிப்பிட்டுள்ள விலாசம் போலியானது. அப்படி ஒரு நிறுவனமே அந்த இடத்தில் இல்லை. இதுகுறித்து மேலும் விசாரணை நடத்தி வருகிறோம்,'' என்றார்.