ராமநாதபுரம் : தமிழகத்தில் வறுமைகோட்டிற்கு கீழ் உள்ளவர்களுக்கு இலவச குடிநீர் இணைப்பு வழங்குவதற்காக தெரு வாரியாக ஆய்வு பணி மேற்கொண்டு செப்.,2ம் தேதிக்குள் தலைமை அலுவலகத்திற்கு அறிக்கை அனுப்ப உத்தரவிடப்பட்டுள்ளது.

இதன் அடிப்படையில் வறுமை கோட்டிற்கு கீழ் உள்ளவர்கள் வசிக்கும் பகுதியில் தெரு குழாய் முதல் வீட்டு இணைப்பு வரை எந்த திட்டத்தின் கீழ் வழங்கலாம், சலுகை அடிப்படையில் வழங்குவதா அல்லது இலவச இணைப்பு கொடுக்கலாமா என முடிவு செய்யப்படும்.

இதுகுறித்து நகராட்சி அதிகாரி ஒருவர் கூறியதாவது: வறுமை கோட்டிற்கு கீழ் உள்ளவர்கள் குறித்து தெருவாரியாக கணக்கெடுக்க உள்ளோம். இதற்காக வழங்கப்பட்டுள்ள பட்டியலில் கேட்கப்பட்ட விபரங்களை சேகரித்து அனுப்பப்படும், என்றார்.