இதில், சிறு, குறு விவசாயிகளுக்கு பயன் கிடைக்கவில்லை. ஏற்கனவே இணைப்பு பெற்றுள்ள விவசாயிகளுக்கே மீண்டும் இணைப்பு கிடைத்தது.ஒரு கம்பம் மற்றும் கம்பம் இல்லா மின் இணைப்புகளுக்கு மட்டுமே இத்திட்டத்தின் கீழ் தி.மு.க., ஆட்சியில் வழங்கப்பட்டது. இதனால், பல ஆண்டுகளுக்கு பிறகு 2000ம் ஆண்டு பதிவு செய்தவர்கள் கூட புதிய மின் இணைப்பு பெற்ற நிலையில் 1991ம் ஆண்டு முதல் காத்திருப்பவர்கள் தொடர்ந்து காத்திருப்பவர்கள் பட்டியலிலேயே காத்திருக்க வேண்டிய அவலம் உள்ளது.முதலில் பதிவு செய்தவர்களுக்கு சீனியாரிட்டி அடிப்படையில் இலவச மின் இணைப்பு கிடைக்காததால் 20 ஆண்டுகளுக்கும் மேலாக மின்வாரிய அலுவலகத்திற்கு விவசாயிகள் அலைக்கழிக்கப்படும் நிலை உள்ளது.எனவே அரசு சிறு, குறு விவசாயிகளுக்கு முக்கியத்துவம் அளித்து, பல ஆண்டுகளாக இணைப்பிற்காக காத்திருப்பவர்களுக்கு முன்னுரிமை அளித்து இணைப்பு வழங்க வேண்டும்.இவ்வாறு மனுவில் தெரிவிக்கப்பட்டுள்ளது.