தென்காசி : சீவநல்லூரில் 10 லட்சம் ரூபாய் செலவில் சமுதாய நலக்கூடம் கட்டும் பணிக்கான பூமி பூஜை நடந்தது.

நிகழ்ச்சியின் போது யூனியன் சேர்மன் சட்டநாதன் கூறும் போது, ''செங்கோட்டை யூனியனில் கடந்த 5 ஆண்டு காலத்தில் பல்வேறு வளர்ச்சி பணிகள் மேற்கொள்ளப்பட்டுள்ளன. தற்போது சீவநல்லூர் திருவெற்றியூர் பிள்ளையார் கோவில் தெரு மற்றும் அம்மன் கோவில் தெருவில் சிமென்ட் தளம் அமைக்க 6 லட்சத்து 51 ஆயிரம் ரூபாயும், சீவநல்லூர் குறவர் சமுதாயத்தினர் பயன்படுத்தும் மயானத்திற்கு பாதை வசதி மற்றும் எரிமேடை அமைக்க 3 லட்சத்து 32 ஆயிரம் ரூபாயும், சீவநல்லூர் தெருவில் சிமென்ட் தளம் அமைக்க 3 லட்சத்து 53 ஆயிரம் ரூபாயும், தரை மட்ட பாலம் அமைக்க 1 லட்சத்து 13 ஆயிரம் ரூபாயும் ஒதுக்கீடு செய்யப்பட்டுள்ளது.

இலத்தூர் 1வது தெருவில் சிமென்ட் தளம் அமைக்க 2 லட்சத்து 52 ஆயிரம் ரூபாயும், புளியரை மான்முட்டி காலனிக்கு செல்லும் செட்டியார் தெருவில் சிமென்ட் தளம் அமைக்க 2 லட்சத்து 50 ஆயிரம் ரூபாயும், கற்குடி இந்திரா காலனி 1வது தெருவில் சிமென்ட் தளம் அமைக்க 1 லட்சத்து 97 ஆயிரம் ரூபாயும், மேல ரவியபத்து குளம் மடை சீரமைக்க 2 லட்சத்து 27 ஆயிரம் ரூபாயும் ஒதுக்கீடு செய்யப்பட்டுள்ளது.

தெற்குமேடு குரங்குநடை சாலை தாமரை குளத்து கரையில் மறுகால் பக்கம் தடுப்பு சுவர் கட்ட 1 லட்சத்து 43 ஆயிரம் ரூபாயும், வாட்டர் டேங்க் 6வது தெருவில் சிமென்ட் தளம் அமைக்க 2 லட்சத்து 63 ஆயிரம் ரூபாயும், கிளாங்காடு புதுகிராமத்தில் சிமென்ட் தளம் அமைக்க 4 லட்சத்து 28 ஆயிரம் ரூபாயும், பாலமார்த்தாண்டபுரத்தில் மாணவர் விடுதிக்கு பின்புறம் வாறுகால் அமைத்து சிமென்ட் தளம் அமைக்க 2 லட்சத்து 21 ஆயிரம் ரூபாயும் நிதி ஒதுக்கீடு செய்யப்பட்டுள்ளது. இப்பணிக்கான டெண்டர் விடப்பட்டு இதற்கான தீர்மானங்களும் யூனியன் கூட்டத்தில் நிறைவேற்றப்பட்டுள்ளது'' என்றார் யூனியன் சேர்மன் சட்டநாதன்.