புதுடில்லி : கடந்த ஓராண்டில், மத்திய அமைச்சர்கள் வெளிநாடு சென்றதற்காக, 42 கோடி ரூபாய் செலவிடப்பட்டுள்ளது.

மத்திய அமைச்சர்கள் அடிக்கடி வெளிநாடு செல்வது வழக்கம்.

தலைமை தகவல் கமிஷனர் சத்தியானந்த் மிஸ்ரா, 'இந்த தகவல்களையெல்லாம் சம்பளம் மற்றும் கணக்குத்துறை அலுவலகம் சேகரித்து வைக்க வேண்டும்' என கூறியிருந்தார்.

கடந்த ஆண்டு மத்திய அமைச்சர்கள் வெளிநாட்டு பயணம் மேற்கொண்டதற்காக, 41 கோடியே 92 லட்ச ரூபாய் செலவிடப்பட்டுள்ளதாக, மத்திய அரசு தெரிவித்துள்ளது. இதில், கேபினட் அமைச்சர்களின் வெளிநாட்டுப் பயணத்துக்கு 37 கோடியே 16 லட்சமும், இணை அமைச்சர்களின் பயணத்துக்கு, 4 கோடியே 76 லட்சமும் செலவிடப்பட்டுள்ளதாக தகவல் தெரிவிக்கப்பட்டுள்ளது.