நெல்லிக்குப்பம்:பைக் மோதி முதியவர் இறந்தார்.நெல்லிக்குப்பம் ஆரோக்கியசாமி தெருவைச் சேர்ந்தவர் கலீல் ரஹ்மான், 70; விவசாயி.

நேற்று முன்தினம் கீழ்பட்டாம்பாக்கத்தில் சாலையோரம் நடந்து சென்று கொண்டிருந்தார். அப்போது பின்னால் வேகமாக வந்த மோட்டார் பைக் மோதியதில் கலீல் ரஹ்மான் படுகாயமடைந்தார். உடன் புதுச்சேரி ஜிப்மர் மருத்துவமனையில் அனுமதிக்கப்பட்ட அவர் இறந்தார்.நெல்லிக்குப்பம் போலீசார் வழக்குப்பதிந்து விசாரித்து வருகின்றனர்.