கடந்த 13ம் தேதி, மும்பை நகரில் மூன்று இடங்களில் அடுத்தடுத்து குண்டுகள் வெடித்தன. இதில், 18 பேர் பலியாகினர்; நூற்றுக்கும் மேற்பட்டோர் படுகாயமடைந்தனர். இந்நிலையில், அமெரிக்க வெள்ளை மாளிகையின் செய்தித் தொடர்பாளர், ஜே கார்னே கூறுகையில், ''மும்பை தொடர் குண்டுவெடிப்புச் சம்பவம் குறித்து, இந்தியா மேற்கொண்டுள்ள விசாரணைக்கு, தேவைப்படும் உதவிகளை வழங்க, அமெரிக்கா தயாராக உள்ளது. எனினும், இந்த சம்பவத்தில் ஈடுபட்டது யார் என்பது பற்றிய தகவல்கள் எதுவும் எங்களுக்கு கிடைக்கவில் லை,'' என்றார். அதேபோல், அமெரிக்க வெளியுறவுத் துறை செய்தித் தொடர்பாளர் மார்க் டோனர் கூறியதாவது: மும்பை குண்டு வெடிப்பு தொடர்பாக, இந்திய அரசு விசாரணை மேற்கொண்டுள்ளது. அந்த விசாரணை எவ்வகையில் செல்கிறது என, பொறுத்திருந்து, பா ர்க்க வேண்டும். இதில் பாகிஸ்தானுக்கு தொடர்புண்டா என, தெரியவில்லை.