அரசு பள்ளிகளில் படிக்கும் மாணவர்களுக்கு ஆண்டுதோறும் வழங்கப்படும் இலவச சீருடை வழங்குவதில் தாமதம் ஏற்பட்டுள்ளது.

மாவட்டங்களில், இலவச சீருடை பெறுவதற்கான மாணவர்கள் பட்டியல் தாயாரிக்கப்பட்டு, அவர்களுக்கு தேவையான துணி அளவுகளும் முன் கூட்டியே தெரிவிக்கப்படும். மாவட்ட சமூக நலத்துறை சார்பில், இப்பணிகள் நடக்கும். அதன் அடிப்படையில் சீருடைகளுக்கான துணிகள் மாவட்டங்களுக்கு ஒதுக்கப்படும். அரசு வழங்கும் சீருடை துணிகளை அந்தந்த மாவட்டங்களில் உள்ள மகளிர் தையல் தொழிலாளர் கூட்டுறவு சங்கங்களில் வழங்கி மாணவர்களுக்கு சீருடை தைத்து வழங்கப்படும். இந்நிலையில் இதுவரை சீருடைக்கான துணிகளும் வரவில்லை. சீருடை தேவைக்கான மாணவர் கணக்கெடுப்பும் நடத்தப்படவில்லை. இதனால் சீருடை வழங்குவதில் மேலும் தாமதம் ஏற்படும் நிலை உள்ளது.

நமது சிறப்பு நிருபர்