பல ஆண்டுகளாக கண்டுகொள்ளாமல் கடந்த 2005ம் ஆண்டு ரயில்வே பட்ஜெட்டில் முதல் சர்வே செய்ய இரண்டு கோடி ரூபாய், இரண்டாவது சர்வேக்கு 79 லட்சம் ரூபாய், இறுதி சர்வே செய்ய 40 கோடி ரூபாய் ஒதுக்கப்பட்டது.இந்நிதியை கொண்டு திட்டத்தை நிறைவேற்ற முடியாது; 91 கி.மீ., ரயில்பாதை அமைக்க 700 கோடி ரூபாய் நிதி அவசியம். மத்திய, மாநில அரசுகள் திட்டத்துக்காக ஐம்பது சதவீத நிதி ஒதுக்க வேண்டும்; சென்னை மெட்ரோ ரயிலுக்கு 18 ஆயிரம் கோடி ரூபாய் ஒதுக்கப்படுகிறது; இத்திட்டத்துக்கு 700 கோடி ரூபாய் ஒதுக்க தயக்கம் காட்டப்படுகிறது. ரயில் பாதையில் நிலம் கையகப்படுத்தப்படாமல் பல இடங்களில் பணி தேக்கமடைந்துள்ளது. இந்நிலங்களை உடனடியாக கையகப்படுத்தி ரயில்வே துறையிடம் ஒப்படைக்க மாநில அரசு நடவடிக்கை எடுக்க வேண்டும், என தெரிவிக்கப்பட்டுள்ளது.