சென்னை : ஜாதிச் சான்றிதழ், இருப்பிடச் சான்றிதழ், வருமான சான்றிதழ் உள்ளிட்டவற்றை அந்தந்த பள்ளிகளிலேயே விரைவாக வழங்க வேண்டுமென, அதிகாரிகளிடம், அமைச்சர் தங்கமணி வலியுறுத்தினார்.

கூட்டத்தில் அமைச்சர் தங்கமணி பேசும் போது, ''பட்டா மாறுதல் உத்தரவுகள் வழங்க, விரைவு பட்டா மாறுதல் திட்டத்தை முதல்வர் துவக்கி வைத்தார். இதன் முக்கியத்துவத்தை அனைவரும் உணர்ந்து செயல்பட வேண்டும். குறிப்பாக, முதியோர் உதவித் தொகைக்காக பெறப்படும் மனுக்களை உடனே பரிசீலித்து தகுதியானவர்களுக்கு உரிய உத்தரவையும், 10ம் வகுப்பு மற்றும் பிளஸ் 2 படிக்கும் மாணவர்களுக்குத் தேவையான ஜாதிச் சான்று, வருமான சான்று, இருப்பிடச் சான்று போன்றவற்றை அந்தந்த பள்ளிகள் மூலமாக பெற நடவடிக்கை எடுக்க வேண்டும்,'' என்றார்.