சென்னை : மாணவ, மாணவியருக்கு தமிழக அரசு வழங்கவிருக்கும், 'லேப்-டாப்'களை, சப்ளை செய்யும் நிறுவனங்களுக்கான டெண்டர் விண்ணப்ப கடைசி தேதி, வரும் 18ம் தேதி வரை நீட்டிக்கப்பட்டுள்ளது.

இதுகுறித்து, எல்காட் நிறுவன அதிகாரி ஒருவர் கூறியதாவது: லேப்-டாப் டெண்டரில் சர்வதேச அளவிலான நிறுவனங்களும் பங்கேற்கலாம் என அறிவித்தோம். பல்வேறு நாடுகளைச் சேர்ந்த கம்ப்யூட்டர் நிறுவனங்கள், டெண்டரில் பங்கேற்க விருப்பம் தெரிவித்துள்ளன. மேலும், புதிய மாடல்களை கொண்டு வரவும், அதன் தொழில்நுட்பங்கள் குறித்த தகவல்களை டெண்டரில் தெரிவிக்கவும், கால அவகாசம் கேட்டுள்ளனர். இதனால், டெண்டர் விண்ணப்பங்கள் பெறும் தேதி, வரும் 18ம் தேதி வரை நீட்டிக்கப்பட்டுள்ளது. இவ்வாறு அதிகாரி கூறினார்.