இந்தியாவுக்கான தாய்லாந்து தூதர் பிசான் மனவாபாட், முதல்வர் ஜெயலலிதாவை, தலைமைச் செயலகத்தில் நேற்று சந்தித்தார். அப்போது, சமீபத்திய தேர்தலில் அமோக வெற்றி பெற்று, மூன்றாவது முறையாக முதல்வராக பொறுப்பேற்றதற்கு, மனவாபாட் வாழ்த்து தெரிவித்தார். மேலும், தமிழகத்தில் உள்கட்டமைப்பு திட்டங்களில் முதலீடு செய்ய, தாய்லாந்து ஆர்வமாக உள்ளதாகவும் அவர் தெரிவித்தார். தாய்லாந்து தூதருடன், அந்நாட்டு துணை தூதர் சன்சாய் சரன்வாட்னகிட், முதல் செயலர் சம்சாய் மெனாஸ்வெடா மற்றும் உயரதிகாரிகள் வந்திருந்தனர்.