புதுடில்லி : டில்லி ராம்லீலா மைதானத்தில், உண்ணாவிரதம் இருந்து வரும் காந்தியவாதி அன்னா ஹசாரேக்கு, அவரது ஆதரவாளர்கள் தொடர்ந்து அமோக வரவேற்பு அளித்து வருகின்றனர்.

ராம்லீலா மைதானத்தில் உண்ணாவிரதம் இருந்து வரும் ஹசாரே, திகார் சிறையிலிருந்த மூன்று நாட்களும் சாப்பிடவில்லை. மொத்தம் ஆறாவது நாளாக உண்ணாவிரதத்தை தொடர்ந்து கொண்டிருக்கும் ஹசாரேயை உற்சாகமூட்ட, இந்தியாவிலிருந்து ஆயிரக்கணக்கான தொண்டர்கள் ராம்லீலா மைதானத்தில் குவிந்த வண்ணம் உள்ளனர். இவ்வாறு குவியும் ஆதரவாளர்களுக்கு காலை உணவாக நேற்று, சமோசா, கச்சோரி, ரசகுல்லா, பக்கோடா உட்பட நொறுக்குத் தீனிகள், டீ, பிஸ்கட், வாழைப்பழம் மற்றும் மாம்பழ ஜூஸ் ஆகியவற்றை ஹசாரே குழுவினர் வழங்கினர். சில ஆதரவாளர்கள், தங்களுக்கு வழங்கப்பட்ட உணவை பிரசாதம் போல் பாவித்து உட்கொண்டனர்.