இதுகுறித்து தமிழ்நாடு மாநில தேர்தல் ஆணைய செயலாளர் சேவியர் கிறிசோநாயகம் அனைத்து மாவட்ட தேர்தல் அலுவலர்களுக்கும் அனுப்பியுள்ள சுற்றறிக்கையில் கூறியிருப்பதாவது:- வேட்பாளர்கள் பெயரிலோ, கட்சிகள் பெயரிலோ மற்றும் அதன் தொடர்பான அனைத்து விதமான வாசகங்கள் அச்சிடப்பட்ட எவ்விதமான விளம்பர போஸ்டர்ளோ, டிஜிட்டல் பேனர்களோ, சுவரில் எழுதப்பட்டோ மாநிலத்தில் எவ்விடத்திலும் இருத்தல் கூடாது என அண்மையில் நடந்த சட்டசபை தேர்தலில் நடைமுறைப்படுத்தப்பட்டது. இதுபோன்றே நடக்கவிருக்கின்ற உள்ளாட்சி தேர்தல்களிலும் எவ்விதமான விளம்பர தட்டிகளோ (போஸ்டர்), விளம்பர பட்டிகைகளோ (டிஜிட்டல் பேனர்), சுவரொட்டிகளோ, விளம்பர படங்களோ (கட் அவுட்) மாநிலத்தில் எந்த இடத்தில் இருந்தாலும் அவைகள் அனைத்தும் உடனடியாக அகற்றபட வேண்டும்.