ஆத்தூர் அருகே உள்ள தலைவாசல், பெருமாள் கோவில் தெருவை சேர்ந்தவர் ராஜேந்திரன்(45). அவர், பா.ம.க., முன்னாள் ஒன்றிய செயலாளராகவும், யூனியன் ஒப்பந்ததாரராகவும் இருந்து வந்தார். நேற்று காலை 5.30 மணியளவில், தலைவாசலில் இருந்து வி.கூட்ரோடுக்கு பைக்கில் சென்றுள்ளார். அப்போது, நத்தக்கரை நான்கு வழிச்சாலை சுங்கச்சாவடி அருகில், எதிரே வந்த 'மகேந்திரா மேக்ஸி கஃப்' என்ற மினி சரக்கு வேன், பைக் மீது மோதி விபத்துக்குள்ளானது. விபத்தில், ராஜேந்திரன் தூக்கி வீசப்பட்டு சம்பவ இடத்திலேயே பரிதாபமாக பலியானார். மினி வேன் சாலையோர பள்ளத்தில் கவிழ்ந்ததால், டிரைவர் உள்ளிட்ட இருவர் தப்பியோடிவிட்டனர்.