அதாவது, ஏர்-இந்தியா நிறுவனத்தின் மாதாந்திர செலவு, 1,700 கோடி ரூபாய். வருமானம், 1,100 கோடி ரூபாய். மேலும், செயல் மூலதனம் மற்றும் விமானங்கள் வாங்குவதற்கான மூலதனத்திற்கும் அரசு வட்டி செலுத்திக் கொண்டிருக்கிறது. ஏர்-இந்தியா நிறுவன பிரச்னையை ஆய்வு செய்ய நியமிக்கப்பட்ட அமைச்சர்கள் குழு, பல முறை கூடி ஆய்வு செய்துள்ளது. ஏர்-இந்தியா நிறுவனத்தை மறுசீரமைப்பது தொடர்பாக, விரைவில் அந்தக் குழு பரிந்துரைகளை வழங்கும். வழங்கியவுடன் அரசு நடவடிக்கை எடுக்கும். செலவை குறைக்க, ஏர்-இந்தியா நிறுவனம் ஏற்கனவே பல நடவடிக்கைகளை எடுத்துள்ளது. இவ்வாறு வயலார் ரவி கூறினார்.