தென்காசி : கேரளாவில் நேற்று 'பந்த்' நடந்ததால் தென்காசியில் இருந்து கேரளாவிற்கு செல்லும் பஸ்கள் நிறுத்தப்பட்டதால் பயணிகள் அவதிப்பட்டனர்.

'பந்த்' காரணமாக தென்காசியில் இருந்து கேரளாவிற்கு நேற்று பஸ்கள் இயக்கப்படவில்லை. கேரள அரசு போக்குவரத்து கழகம், தமிழக அரசு விரைவு போக்குவரத்து கழகம் சார்பில் பஸ்கள் இயக்கப்படவில்லை. தென்காசி பஸ் ஸ்டாண்டில் கேரள பஸ்கள் நிறுத்துமிடம் வெறிச்சோடி காணப்பட்டது. இதனால் பஸ்கள் இன்றி பயணிகள் அவதிப்பட்டனர். புளியரை அருகே லாரிகள் நிறுத்தப்பட்டதால் லாரி டிரைவர்கள் பரிதவித்தனர். மாலை 6 மணிக்கு மேல் வழக்கம் போல் கேரளாவிற்கு வாகனங்கள் சென்று வந்தன.