சென்னை : நெடுஞ்சாலைத் துறையால், 41 கோடி ரூபாய் மதிப்பில் கட்டப்பட்ட, 12 புதிய பாலங்களை, வீடியோ கான்பரன்சிங் மூலம், முதல்வர் ஜெயலலிதா திறந்து வைத்தார்.

சென்னை ஈ.வெ.ரா.பெரியார் சாலை - அமைந்தகரை கூவம் ஆற்றின் குறுக்கே அமைந்துள்ள பழைய பாலப் பகுதியில் ஏற்பட்ட போக்குவரத்து நெரிசலை குறைக்கும் வகையில், சென்னை பெருநகர வளர்ச்சித் திட்டப் பணிகளின் கீழ், 6 கோடியே, 90 லட்ச ரூபாய் செலவில் கூடுதலாக கட்டப்பட்ட புதிய பாலம், வேலூர் மாவட்டம், பாணாவரம் ரயில்வே கிராசிங்கில், 11 கோடி ரூபாய் மதிப்பிலான சாலை மேம்பாலத்தை, தலைமைச் செயலகத்தில் இருந்தவாறு, வீடியோ கான்பரன்சிங் மூலம், முதல்வர் ஜெயலலிதா திறந்து வைத்தார்.