புதுக்கோட்டை: தமிழக உள்ளாட்சி தேர்தல் அக்டோபர் முதல் வாரத்தில் நடைபெறும் என எதிர்பார்க்கப்படுகிறது.

புதுக்கோட்டை நகராட்சி தலைவர் பதவிக்கு போட்டியிட விருப்பம் தெரிவித்து அ.தி.மு.க., நகரச் செயலாளர் பாஸ்கர் மனைவி விஜயஸ்ரீ, அமைச்சர் சுப்பிரமணியன் முன்னிலையில் அ.தி.மு.க., மாவட்டச் செயலாளர் ராமைய்யாவிடம் மனு அளித்தார். இவரைத் தொடர்ந்து நகராட்சி கவுன்சிலர், டவுன் பஞ்., தலைவர், கவுன்சிலர், மாவட்ட பஞ்., கவுன்சிலர், பஞ்., யூனியன் கவுன்சிலர் பதவிகளுக்கு போட்டியிட விருப்பம் தெரிவித்து 60 பெண்கள் உட்பட 180 பேர் விருப்ப மனு அளித்தனர். ஐந்தாம் தேதி மாலை ஐந்துமணி வரை விருப்ப மனு தாக்கல் செய்ய கால அவகாசம் வழங்கப்பட்டுள்ளது.