ஏர்வாடி : கோதைசேரி சந்தண மாரியம்மன் கோயிலில் ஆடி கொடைவிழா வரும் 18ம் தேதி துவங்கி மூன்று நாட்கள் நடக்கிறது.கோதைசேரி சந்தண மாரியம்மன் கோயில் கொடைவிழா ஆண்டுதோறும் ஆடி மாதம் நடக்கும்.

இரண்டாம் நாள் 19ம் தேதி காலை 8 மணிக்கு பிள்ளையார் கோயிலில் இருந்து பால்குடம் எடுத்து தெருபவனி வந்து அம்மனுக்கு பல்வேறு அபிஷேகத்துடன் பால் அபிஷேக சிறப்பு பூஜை, கும்பாபிஷேக பூஜை நடக்கிறது. மதியம் பக்தர்களுக்கு அன்னதானம் வழங்கப்படுகிறது. மாலை 4 மணிக்கு பொங்கல் வழிபாடு பூஜை நடக்கிறது. இரவு 9 மணிக்கு அம்பாளுக்கு பூமாலை சூட்டி வந்து சிறப்பு புஷ்ப அலங்கார தீபாராதனை பூஜை நடக்கிறது. இரவு 1 மணிக்கு சாமபடைப்பு தீபாராதனை பூஜை நடக்கிறது. அதிகாலை 3 மணிக்கு பூக்கொடை வரத்து பூஜை நடக்கிறது.மூன்றாம் நாள் 20ம் தேதி காலை 10 மணிக்கு கும்பம் எடுத்து தெருபவனி வந்து மஞ்சள் நீராடல், மதியம் 2 மணிக்கு பூஜையுடன் கொடைவிழா நிறைவு பெறுகிறது. ஏற்பாடுகளை கோதைசேரி யாதவ சமுதாயத்தினர் செய்து வருகின்றனர்.