இஸ்லாமாபாத் : இந்தியா - பாக்., வெளியுறவு அமைச்சர்களுக்கு இடையே நடந்த பேச்சு வார்த்தையை, பாகிஸ்தான் மீடியாக்கள் வரவேற்றுள்ளன.

இருநாட்டு வெளியுறவு அமைச்சர்களுக்கும் இடையே நடந்த இந்த பேச்சு வார்த்தையை, பாகிஸ்தான் மீடியாக்கள், 'ஒருங்கிணைந்த செயல்பாடுகளில், இரு நாடுகளுக்கும் இடையே புதிய அத்தியாயம் துவங்கியுள்ளது' என, வரவேற்றுள்ளன.

'டெய்லி டைம்ஸ்' பத்திரிகை வெளியிட்ட தலைப்புச் செய்தியில்,'புதிய அத்தியாயம் துவங்குவதற்கு, இந்தியா - பாக்., உறுதி. உறவு மீண்டும் புதுப்பிப்பு' என, குறிப்பிடப்பட்டுள்ளது. இதுபோல், டான் மற்றும் பாகிஸ்தானைச் சேர்ந்த உருது பத்திரிகைகளும், இரு நாட்டு வெளியுறவு அமைச்சர்களுக்கு இடையோன பேச்சு வார்த்தையை, வெகுவாக பாராட்டி, செய்தி வெளியிட்டுள்ளன.