தமிழ்நாட்டில் டாஸ்மாக் கடைகள் மூலம் அரசு மது விற்பனை செய்து வருகிறது. மாநிலம் முழுவதும் சுமார் 6,500 சில்லறை மதுக்கடைகள் உள்ளன. இந்த கடைகள் மூலம் 500க்கும் மேற்பட்ட வகைகளில் மதுபானங்கள் விற்கப்படுகிறது. கடந்த 2009ம் ஆண்டு அனைத்து வகை மதுபானங்களின் விலையையும் ரூ.2 முதல் 5 வரை அரசு உயர்த்தியது. அதன்பிறகு விலை உயர்த்தப்படவில்லை. தற்போது மதுபானம் தயாரிக்க பயன்படும் மூலப்பொருட்களில் விலை உயர்வு காரணமாக வருவாயை பெருக்கும் நோக்கத்தில் அரசு கடந்த 2 தினங்களுக்கு முன் விலையை உயர்த்தியது.டாஸ்மாக் மதுக்கடைகளில் பல்வேறு மதுபானங்கள் இருந்தபோதும் குவாட்டர் மட்டுமே அசுர விற்பனையாகிறது. எனவே தான் குவாட்டரில் அதிக கலப்படம் செய்யப்படுகிறது.