22 மணி நேரம் தாமதம்

ஏர் இந்தியா நிறுவனத்தின் டில்லி -- வட அமெரிக்க நாடான கனடாவின் வான்கோவர் இடையேயான விமானம், நேற்று முன்தினம் காலை 5:30 மணிக்கு புறப்படுவதாக இருந்தது. ஆனால், விமானத்தில் சில தொழில்நுட்ப பிரச்னைகள் ஏற்பட்டன. மேலும், விமானிகளின் பணி மாற்றம் தொடர்பான பிரச்னை ஏற்பட்டது. இதையடுத்து, 22 மணி நேர தாமதத்துக்குப் பின், நேற்று காலை 3:15க்கு அந்த விமானம் புறப்பட்டுச் சென்றது.
கடந்த ஒரு வாரத்தில், தொலைதுார விமான சேவைகளில், மூன்றாவது முறையாக இதுபோன்று மிகவும் தாமதமாக ஏர் இந்தியா விமானங்கள் புறப்பட்டன. இதேபோல், ஐரோப்பிய நாடான பிரான்சின் பாரிஸ் நகரிலிருந்து நேற்று மஹாராஷ்டிர மாநிலம் மும்பைக்கு வந்த விஸ்தாரா நிறுவனத்தின் விமானத்தில் வெடிகுண்டு இருப்பதாக புரளி எழுந்தது.
இதையடுத்து, அந்த விமானம் மும்பையில் தரையிறங்கியபோது விமான நிலையம் முழுதும் அவசர நிலை அறிவிக்கப்பட்டு, அதில் இருந்த 306 பேரும் பத்திரமாக வெளியேற்றப்பட்டனர். விமானத்தை சோதனையிட்டபோது, வெடிகுண்டு இருப்பதாகக் கூறப்பட்டது புரளி என தெரிய வந்தது.