கார் டிரைவரிடம் விசாரணை

சிறுவன் கடத்தல் சம்பவம் தொடர்பாக, ஏ.டி.ஜி.பி.,யின் கார் டிரைவர் மற்றும் புரட்சி பாரதம் கட்சியைச் சேர்ந்த நபர்களிடம் போலீசார் விசாரணை நடத்தினர். இது குறித்து போலீசார் கூறியதாவது:கடத்தலுக்கு பயன்படுத்தப்பட்ட கேரள பதிவு எண் கார், ராணிப்பேட்டை மாவட்டம், அரக்கோணம் அருகே, உரியூர் செந்தில் என்பவர் வீடு முன் நிறுத்தப்பட்டு இருந்தது. இந்த வழக்கில் கைதாகிஉள்ள புரட்சி பாரதம் கட்சி வழக்கறிஞர் சரத்குமார், மொபைல் போனில் செந்திலுடன் பேசி உள்ளார்.செந்திலிடமும், புரட்சி பாரதம் கட்சியினரிடமும் விசாரணை நடந்துள்ளது. அதேபோல, கடத்தல் குறித்து, பெரம்பூர் மற்றும் இருளஞ்சேரியைச் சேர்ந்த புரட்சி பாரதம் கட்சி முக்கிய நபர்களுடன் சரத்குமார் பேசியுள்ளார்; அவர்களை தேடி வருகிறோம். ஏ.டி.ஜி.பி., டிரைவராக உள்ள போலீஸ்காரரிடம் வாக்குமூலம் பெற்றுள்ளோம். இவ்வாறு போலீசார் கூறினர்.