புதுடில்லி: இந்தியாவிடம் பிரம்மோஸ் ஏவுகணைகளை கொள்முதல் செய்ய பல்வேறு நாடுகள் ஆர்வம் காட்டியுள்ளன.

ஆபரேஷன் சிந்தூரில் பிரம்மோஸ் ஏவுகணைகளை இந்தியா பயன்படுத்தியது. இந்த ஏவுகணை, பாகிஸ்தானின் விமானப்படை தளங்கள் மற்றும் பயங்கரவாத முகாம்களை துல்லியமாக தாக்கி சேதப்படுத்தியது.

இதனால் பிரம்மோஸ் ஏவுகணை சர்வதேச அளவில் கவனம் பெற்றுள்ளது. மேற்கத்திய நாடுகளின் ஏவுகணைகளை காட்டிலும் விலை குறைவு என்பதால் இதை வாங்குவதற்கு பல நாடுகளும் ஆர்வம் காட்டி வருகின்றன.

பிரம்மோஸ் ஏவுகணை என்பது இந்தியா மற்றும் ரஷ்யா ஆகிய இரு நாடுகளின் கூட்டு தயாரிப்பு ஆகும். பிரம்மபுத்திரா, ரஷ்யாவின் மஸ்க்வா நதிகளின் பெயர்களை இணைத்து, பிரம்மோஸ் என்று பெயரை இரு நாடுகளும் இணைந்து சூட்டின. இந்த ஏவுகணைகளை வாங்க பிலிப்பைன்ஸ், பிரேசில், வியட்நாம், இந்தோனேசியா ஆகிய நாடுகள் ஒப்பந்தங்கள் செய்துள்ளன.

1.தாய்லாந்து

2. சிங்கப்பூர்

3. புருனே

4. எகிப்து

5. சவுதி அரேபியா

6. ஐக்கிய அரபு எமிரேட்ஸ்

7. கத்தார்

8. ஓமன்

9. பிரேசில்

10. சிலி

11. அர்ஜென்டினா

12. வெனிசுலா

இந்த நாடுகள், குறிப்பாக கடலோர மற்றும் கடற்படை பாதுகாப்புத் துறைகளில், தங்கள் பாதுகாப்பு ஆயுதங்களை மேம்படுத்த பிரம்மோஸ் ஏவுகணைகளை வாங்க திட்டமிட்டுள்ளன.

இதனை போர்க்கப்பல்கள், நீர்மூழ்கிகள், போர் விமானங்கள் மற்றும் நிலத்தில் இருந்து ஏவ முடியும் என்பது குறிப்பிடத்தக்கது.