3வது நாளாக தங்கம் விலை குறைவு: எவ்வளவு தெரியுமா?
3வது நாளாக தங்கம் விலை குறைவு: எவ்வளவு தெரியுமா?
3வது நாளாக தங்கம் விலை குறைவு: எவ்வளவு தெரியுமா?
ADDED : ஜூலை 25, 2024 11:22 AM
சென்னை: மத்திய பட்ஜெட்டில் தங்கத்தின் இறக்குமதி மீதான சுங்க வரி குறைக்கப்பட்டதன் எதிரொலியாக, தங்கத்தின் விலை தொடர்ந்து 3வது நாளாக குறைந்துள்ளது. சென்னையில் இன்று(ஜூலை 25) 22 கேரட் ஆபரணத் தங்கத்தின் விலை கிராமுக்கு ரூ.60 குறைந்துள்ளது. ஒரு கிராம் தங்கம் ரூ.6,430க்கும், ஒரு சவரன் ரூ.51,440க்கும் விற்பனை ஆகிறது.
ஜூலை 17ம் தேதி, சவரன் விலை 55,360 ரூபாயாக அதிகரித்தது. பின், விலை சற்று குறைந்தது. கடந்த ஜூலை 22ம் தேதி சவரன், 54,600 ரூபாய்க்கு விற்பனை ஆனது. ஜூலை 23ம் தேதி மத்திய பட்ஜெட்டை தாக்கல் செய்த நிதி அமைச்சர், தங்கம், வெள்ளி மீதான இறக்குமதி வரியை, 15 சதவீதத்தில் இருந்து 6 சதவீதமாக குறைப்பதாக அறிவித்தார்.
அடுத்த சில நிமிடங்களில் தங்கம் விலை கிராமுக்கு, 275 ரூபாய் குறைந்து 6,550 ரூபாய்க்கு வந்தது. சவரனுக்கு அதிரடியாக, 2,200 சரிந்து, 52,400 ரூபாய்க்கு விற்கப்பட்டது. வெள்ளி கிராமுக்கு, 3.10 ரூபாய் குறைந்து, 92.50 ரூபாய்க்கு விற்பனையானது.
இன்றைய நிலவரம்
தங்கத்தின் விலை தொடர்ந்து 3வது நாளாக குறைந்துள்ளது. சென்னையில் இன்று(ஜூலை 25) 22 கேரட் ஆபரணத் தங்கத்தின் விலை கிராமுக்கு ரூ.60 குறைந்துள்ளது. ஒரு கிராம் தங்கம் ரூ.6,430க்கு விற்பனை ஆகிறது.
சவரனுக்கு ரூ.480 குறைந்து, ஒரு சவரன் தங்கம் விலை ரூ.51,440க்கு விற்பனை ஆகிறது. ஒரு சவரன் தங்கம் விலை மீண்டும் ரூ.52 ஆயிரத்திற்கு கீழ் சென்றதால், நகை பிரியர்கள் மகிழ்ச்சி அடைந்துள்ளனர்.
வெள்ளி விலை என்ன?
தங்கம் விலை குறைந்ததை தொடர்ந்து, வெள்ளி விலையும் குறைந்துள்ளது. வெள்ளி விலை கிராமுக்கு 3 ரூபாய் குறைந்து, ஒரு கிராம் ரூ.89க்கு விற்பனை செய்யப்பட்டு வருகிறது.