சென்னை: சென்னையில் ஆபரணத் தங்கத்தின் விலை பவுனுக்கு ரூ.400 குறைந்துள்ளது. இதன்மூலம், தங்கம் விலை 2வது நாளாக சரிந்துள்ளது.

உலகின் பல நாடுகள், தங்கத்தில் அதிக அளவில் முதலீடு செய்வது உள்ளிட்ட காரணங்களால், நம் நாட்டில் தங்கம் விலை தொடர்ந்து உயர்ந்து கொண்டே செல்கிறது. அதிகபட்சமாக ரூ.80 ஆயிரத்தை கடந்து புதிய உச்சத்தை தொட்டு விற்பனையாகி வந்தது.

இந்த நிலையில், தங்கம் விலை 2வது நாளாக இன்றும் குறைந்துள்ளது. தமிழகத்தில் நேற்று (செப் 17) தங்கம் விலை கிராமுக்கு 10 ரூபாய் குறைந்து 10,280 ரூபாய்க்கு விற்பனையானது. சவரனுக்கு, 80 ரூபாய் சரிந்து, 82,160 ரூபாய்க்கு விற்பனையாகியது.

இந்நிலையில் இன்று (செப் 18) 22 காரட் ஆபரண தங்கத்தின் விலை சவரனுக்கு ரூ.400 குறைந்து ஒரு சவரன் ரூ.81,760க்கு விற்பனை செய்யப்படுகிறது. கிராமுக்கு ரூ.50 குறைந்து ஒரு கிராம் ரூ.10,220க்கு விற்பனை ஆகிறது.

அதேபோல, வெள்ளி விலை கிராமுக்கு ரூ.1 குறைந்து ரூ.141க்கு விற்பனையாகி வருகிறது. தங்கம் மற்றும் வெள்ளி விலை தொடர்ந்து 2வது நாளாக சரிந்திருப்பது ஆபரண பிரியர்களிடையே மகிழ்ச்சியை ஏற்படுத்தியுள்ளது.