நாய்கள் தொல்லை குறித்த புகார்களுக்கு உடனடியாக நடவடிக்கை எடுக்கப்படுகிறது. 'எக்ஸ்' தளத்தில் பதிவிடும் புகார் குறித்து, மாநகராட்சி அதிகாரிகளிடம் தெரிவித்து, நாய்கள் அகற்றப்படுகின்றன. ஆனால் அவை மீண்டும் வந்துவிடுகின்றன. நாய்களை விரட்டுவதற்கென, நிர்வாகம் யாரையும் தனியாக நியமிக்கவில்லை.

விமான நிலைய அதிகாரிகள் தகவல் தரும்போது, மாநகராட்சி சார்பில் நாய்களை பிடித்து இனவிருத்தி மற்றும் தடுப்பூசி போடப்படுகிறது. கடந்த வாரத்தில்கூட சுற்றித்திரியும் நாய்கள் பிடிக்கப்பட்டன. பிடித்த இடத்தில் தான் நாய்களை மீண்டும் விடமுடியும். நாங்கள் முனையங்களில் விடுவதில்லை. அவை உள்ளே சென்றுவிடுகின்றன. விமான நிலைய அதிகாரிகள், விலங்கு நல வாரியத்திடம் சிறப்பு அனுமதி பெற்று, நாய்களை நிரந்தரமாக அகற்ற முடியும்.