சென்னை : தமிழக ரேஷன் கடை களில், சிறப்பு பொது வினியோக திட்டத்தின் கீழ், அரிசி கார்டுதாரர்களுக்கு லிட்டர் பாமாயில், 25 ரூபாய்க்கு விற்கப்படுகிறது.

அனைத்து கார்டுதாரர்களுக்கும் வழங்க மாதம், 2 கோடி லிட்டர் பாமாயில் தேவை. இதை, தனியார் நிறுவனங்களிடம் இருந்து கொள்முதல் செய்து, ரேஷன் கடைகளுக்கு வினியோகம் செய்யும் பணியை, தமிழக அரசின் நுகர்பொருள் வாணிப கழகம் மேற்கொள்கிறது.

அதன்படி, 6 கோடி லிட்டர் பாமாயில் வாங்குவதற்கு, கடந்த மாதம் 'டெண்டர்' கோரப்பட்டது. இன்னும் டெண்டர் இறுதி செய்யப்படவில்லை. இதனால், ரேஷன் கடைகளுக்கு இம்மாதத்திற்கான பாமாயில் முழுவதுமாக அனுப்பப்படவில்லை.

எனவே, கடைகளில் தட்டுப்பாடு ஏற்பட்டு உள்ளதால், கார்டுதாரர்கள் பாமாயில் வாங்க முடியாமல் ஏமாற்றத்துடன் திரும்புகின்றனர்.