சம்மனை ரத்து செய்ய ஐகோர்ட் மறுப்பு

இந்த வழக்கில், நயினார் நாகேந்திரனுக்கு சொந்தமான, 'ப்ளூ டைமண்ட்' ஹோட்டல் ஊழியர்கள் சதீஷ், நவீன், பெருமாள் ஆகியோர் கைதாகி, சொந்த ஜாமினில் விடுவிக்கப்பட்டனர். விசாரணைக்கு ஆஜராகுமாறு, அவர்களுக்கு சி.பி.சி.ஐ.டி., போலீசார், 'சம்மன்' அனுப்பினர்.இந்த சம்மனை எதிர்த்து, ஹோட்டல் ஊழியர்கள் சதீஷ், பெருமாள், நவீன் ஆகியோர், சென்னை உயர் நீதிமன்றத்தில் மனு தாக்கல் செய்தனர். இந்த மனு, நீதிபதி ஜி.ஜெயசந்திரன் முன், நேற்று விசாரணைக்கு வந்தது. இரு தரப்பு வாதங்களை கேட்ட நீதிபதி, 'தற்போதைய நிலையில் வழக்கின் விசாரணைக்கு தடை விதிப்பதும், சம்மனை ரத்து செய்வதும் விசாரணையை பாதிக்கும். எனவே, எந்த தடை உத்தரவும் பிறப்பிக்க முடியாது. மனுதாரர்கள் சம்மனுக்கு நேரில் ஆஜராகி விளக்கம் அளிக்க வேண்டும்' என உத்தரவிட்டு, மனுவை தள்ளுபடி செய்தார்.