வாறுகால் கழிவுகள்

வடக்கு அக்ரஹார தெருவின் பின் பகுதியில் பல ஆண்டுகளாக காணப்படும் கழிவுகளை அகற்றி சுத்தப்படுத்த வேண்டும். இங்கு பேவர் பிளாக் ரோடு அமைத்து மின் கம்பங்களில் மின் விளக்குகள் பொருத்தி மக்கள் வந்து செல்லும் பாதையாக மாற்ற பேரூராட்சி நிர்வாகம் நடவடிக்கை எடுக்க வேண்டும்.-விக்னேஷ், குடியிருப்பாளர்........................மூடி கிடக்கும் வணிக வளாகம் நாடார் பஜாரில் இருந்து மேலப்பாளையம் தெருவுக்கு செல்லும் வழியில் உள்ள வணிக வளாகம் பல ஆண்டுகளாக மூடி கிடக்கிறது. இதனை சீரமைத்து பொதுமக்கள் பயன்பாட்டிற்கு கொண்டு வர வேண்டும்.- நந்தகுமார், குடியிருப்பாளர்..................பேரூராட்சியில் கோரிக்கை வார்டின் மெயின் தெருக்களில் பேவர் பிளாக் ரோடுகள் அமைக்கப்பட்டுள்ள நிலையில் குறுகிய சந்துகளிலும் பேவர் பிளாக் ரோடுகள் அமைத்தல், விடுபட்ட பகுதிகளில் மின்விளக்குகள் பொருத்துதல், சுப்பராயர் தெருவில் வாறுகால் பாலம் அமைத்தல், வடக்கு அக்ரஹாரம் தெருவின் பின்பகுதியை சீரமைத்தல் உட்பட பல்வேறு கோரிக்கைகளை பேரூராட்சியின் கவனத்திற்கு கொண்டு சென்று உள்ளேன். இதில் சில கோரிக்கைகள் நிறைவேற்றப்பட்டுள்ளது.- ராஜேஸ்வரி, வார்டு உறுப்பினர்.