சிவகாசி: சிவகாசி காசி விஸ்வநாதர் கோயிலில் வைகாசி பிரம்மோற்ஸவ திருவிழாவை முன்னிட்டு திருக்கல்யாணம் நடந்தது.

சிவகாசி காசி விஸ்வநாதர் கோயில் வைகாசி பிரம்மோற்ஸவ திருவிழா ஜூன் 6ல் கொடியேற்றத்துடன் துவங்கியது. தொடர்ந்து 11 நாட்கள் தொடர்ந்து நடைபெறும் பிரம்மோற்ஸவ விழாவில் தினசரி அம்மன், சுவாமி பல்வேறு வாகனங்களில் எழுந்தருளி வீதி உலா வருவர்.

நேற்று முன் தினம் அதிகாலை 12:00 மணிக்கு விஸ்வநாதர் விசாலாட்சி அம்மன் திருக்கல்யாணம் நிகழ்ச்சி நடந்தது. தொடர்ந்து பக்தர்களுக்கு திருக்கல்யாணம் விருந்து அளிக்கப்பட்டது. இன்று காலை 8:45 மணிக்கு தேரோட்டம் நடக்கிறது.