விழுப்புரம் : விழுப்புரம் இந்தியன் வங்கி ஊரக சுய வேலை வாய்ப்பு பயிற்சி நிறுவனத்தில் இரண்டு சக்கர வாகனம் மற்றும் வீட்டு உபயோக பொருட்கள் பழுது நீக்கம் பயிற்சி அளிக்கப்படுகிறது.

அந்நிறுவன இயக்குநர் செய்திக்குறிப்பு:

விழுப்புரம் இந்தியன் வங்கி ஊரக சுய வேலைவாய்ப்பு பயிற்சி நிறுவனத் தில் இரண்டு சக்கர வாகனம் மற்றும் வீட்டு உபயோக பொருட்கள் பழுது நீக்குதல் ஆகியவற்றிற்கு 30 நாட்கள் இலவச தொழில் பயிற்சி நடக்கிறது. இதற்கான நேர்முகத்தேர்வு வரும் 15ம் தேதி நடக்கிறது.

இதற்கு, 18 முதல் 45 வயது வரை உள்ள, 8ம் வகுப்பு தேர்ச்சி, அதற்கும் மேல் கல்வி தகுதி இருக்கலாம். தங்கள் பெயரிலோ, குடும்ப உறுப்பினர்கள் பெயரிலோ நுாறு நாள் அட்டையிருந்தாலும், கிராம பகுதியைச் சேர்ந்த வர்களுக்கு முன்னுரிமை வழங்கப்படும்.

ஆதார் அட்டை நகல், ரேஷன் கார்டு நகல், வாக்காளர் அட்டை நகல், கல்விச் சான்றிதழ் நகல், வங்கி கணக்கு புத்தகம் நகல், நுாறு நாள் வேலை அட்டை நகல் -எடுத்து வர வேண்டும். மேலும் விவரங்களுக்கு 04146- 294115 என்ற தொலைபேசி எண்ணிற்கு தொடர்பு கொள்ளலாம். விருப்பமுள்ளவர்கள் பயிற்சிக்கு விண்ணப்பிக்கலாம்.

இவ்வாறு செய்திக்குறிப்பில் கூறப்பட்டுள்ளது.