பேட்டி:1 இனியும் காத்திருக்க முடியாது திண்டிவனத்தில் கடந்த 35 ஆண்டுகளாக நிரந்த பஸ் நிலையம் இல்லை. நகராட்சியின் அலட்சியம், ஆட்சியாளர்களிடையே நடைபெறும் போட்டி காரணமாகவும், புதிய பஸ் நிலையம் மக்கள் பயன்பாட்டுக்கு கொண்டு வருவது காலதாமதமாகி வருகிறது. சட்டசபை தேர்தல் நெருங்கும் நேரத்தில் பஸ் நிலையம் திறந்தால், மக்களிடம் நற்பெயர் கிடைக்கும் என நம்புகின்றனர். வரும் 15 நாட்களுக்குள் புதிய பஸ் நிலையம் திறப்பதற்கு நடவடிக்கை எடுக்கவில்லை என்றால் பா.ஜ., சார்பில் கண்டன ஆர்ப்பாட்டம் நடத்த வேண்டிய நிலை ஏற்படும். -தினேஷ்குமார். பா.ஜ., முன்னாள் இளைஞர் அணி மாநில செயலாளர்.

பேட்டி: 2 ஆளும்கட்சி நினைத்தால்... பயணிகளுக்கு எந்த வித அடிப்படை வசதியும் இல்லாத மேம்பாலத்தின் கீழ் பஸ் நிலையம் நீண்ட நாட்களாக செயல்படுகிறது. இயற்கை உபாதைக்கு கூட செல்ல முடியாத நிலை பல ஆண்டுகளாக நீடித்து வருகிறது. ஆளுங்கட்சியினர் நினைத்தால் விரைவில் பஸ் நிலையத்தை திறந்து விடலாம். ஆனால், அவர்களுக்கு இடையே உள்ள பிரச்னையால், திறப்பு விழா எப்போது என தெரியாத நிலை உள்ளது. நகர மக்களின் நீண்ட நாள் கோரிக்கையை ஏற்று விரைந்து பணிகளை முடித்து விரைவில் திறப்பு விழா நடத்த வேண்டும். -மணிகண்டன், திண்டிவனம் நகர பா.ம.க.,செயலாளர் மற்றும் 31வது வார்டு கவுன்சிலர்.