திண்டிவனம்: திண்டிவனம் காவேரிப்பாக்கம் நகராட்சி மேல்நிலைப்பள்ளியில், 'தினமலர் -பட்டம்' இதழ் வழங்கும் நிகழ்ச்சி நடந்தது.

மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள் உள்ளிட்ட தகவல்களை மாணவர்களுக்கு எளிதில் புரியும் வகையில், தினமலர் பட்டம் இதழ், திங்கள் முதல் வெள்ளி வரை வருகின்றது.

இதன் தொடர்ச்சியாக திண்டிவனம் சர்வீஸ் லயன்ஸ் சங்கம், லயன்ஸ் சர்வீஸ் டிரஸ்ட் சார்பில், காவேரிப்பாக்கம் நகராட்சி மேல்நிலைப்பள்ளி மாணவ, மாணவியருக்கு 'தினமலர்' பட்டம் நாளிதழ் வழங்கும் நிகழ்ச்சி நேற்று நடந்தது.

சர்வீஸ் லயன்ஸ் சங்க தலைவர் கிருஷ்ணராஜ் தலைமை தாங்கினார். தலைமை ஆசிரியர் சீதாலட்சுமி, வேளாண் உதவி இயக்குனர் சரவணன், சத்திஷ் டாக்டர் பார்த்திபன் முன்னிலை வகித்தனர்.

லயன்ஸ் சர்வீஸ் டிரஸ்ட் தலைவர் ஸ்மைல் ஆனந்த், பள்ளி மாணவ மாணவியர்களுக்கு 'தினமலர்' பட்டம் இதழை வழங்கினார்.

நிகழ்ச்சியில் சர்வீஸ் லயன்ஸ் சங்க நிர்வாகிகள் குமார், சின்னராசு, ரமேஷ் கஸ்துாரி ரங்கன், ஆனந்தகுமார் ஆர்யாஸ் ஓட்டல் முத்துராஜ்குமார், கமலக்கண்ணன், சரவணன், அசோக்குமார் மற்றும் பள்ளி ஆசிரியர்கள் கலந்து கொண்டனர்.