விழுப்புரம், : வளவனுார் அருகே சைக்கிள் மீது பைக் மோதிய விபத்தில் முதியவர் இறந்தார்.

வளவனுார் அடுத்த காவணிபாக்கம் கிராமத்தைச் சேர்ந்தவர் சங்கீதராஜ், 75; கூலித் தொழிலாளி.

இவர், நேற்று முன்தினம் சைக்கிளில் பனங்குப்பம் கிராமம் வழியாக சென்றார். அப்போது, பின்னால் வந்த பைக் மோதியதில் சங்கீதராஜ் படுகாயமடைந்தார்.

உடன், அவர் முண்டியம்பாக்கம் அரசு மருத்துவமனைக்கு கொண்டு செல்லும் வழியில் இறந்தார். வளவனுார் போலீசார் வழக்குப் பதிந்து விசாரிக்கின்றனர்.