மயிலம்: மயிலம் அடுத்த கள்ளகொளத்துார் பொன்னியம்மன் கோவில் ஆனி திருவிழாவை முன்னிட்டு சாகை வார்த்தல் நடந்தது.

விழாவையொட்டி, காலை பக்தர்கள் முக்கிய வீதிகள் வழியாக பூங்கரகம் எடுத்து வந்தனர். 10:00 மணிக்கு அம்மனுக்கு பால், சந்தனம், தேன், பன்னீர் நறுமணப் பொருட்களால் சிறப்பு அபிஷேகம் நடந்தது. மதியம் 1:00 மணிக்கு கோவில் வளாகத்தில் சாகை வார்த்தல் நடந்தது. மாலை 5:00 மணிக்கு கிராம பெண்கள் பொங்கல் வைத்து அம்மனுக்கு படையலிட்டனர். இரவு 9:00 மணிக்கு அலங்கரிக்கப்பட்ட அம்மன் வீதியுலா நடந்தது.

ஏற்பாடுகளை கிராம மக்கள் செய்திருந்தனர்.