என்ன முன்னேற்றம்...

அதனை சொல்லுங்க!-----------------ஒருங்கிணைந்த குழந்தை வளர்ச்சி திட்ட பிரிவினர், மாவட்டத்தில், எடையளவு குறைந்த மற்றும் வயதுக்கு ஏற்ற உயரம் இல்லாத குழந்தைகள் எண்ணிக்கை மற்றும் விகிதங்கள் குறித்து பேசினர். எதிர்மறை புள்ளி விவரங்களை விரும்பாத கலெக்டர் கிறிஸ்துராஜ், ''கடந்தாண்டை விட இந்தாண்டு என்ன முன்னேற்றம் இருக்கிறது. அதனை சொல்லுங்கள்,'' என்றார். இதனை தொடர்ந்து, குழந்தை வளர்ச்சி திட்டத்தினர், 'நம் மாவட்டத்தில், வயதுக்கேற்ற உயரம் குறைந்த குழந்தைகள் விகிதம், 21.5 சதவீதமாக இருந்தது. இந்த விகிதம் தற்போது, 7.6 சதவீதமாக, 13.9 சதவீதம் குறைந்துள்ளது. 15.3 சதவீதமாக இருந்த உயரத்துக்கேற்ற எடையில்லாத (மெலிவுத்தன்மை) குழந்தைகள் விகிதம், தற்போது 2.7 சதவீதமாக குறைந்துள்ளது,' என்றனர்.கலெக்டர் மேலும் பேசுகையில், 'நல்ல ஊட்டச்சத்துக்கள், சத்து மாவுக்கள் வழங்கப்பட்டுள்ளது. அதனாலேயே, உயரம் குறைந்த, எடையளவு குறைந்த குழந்தைகள் விகிதம் குறைந்துள்ளது. இந்த விகிதம் விரைவில், பூஜ்ஜிய நிலையை எட்ட வேண்டும்,' என அறிவுறுத்தினார்.