தேசிய மற்றும் மாநில சட்டப் பணிகள் ஆணைக்குழு உத்தரவின் பேரில், திருப்பூர் மாவட்ட சட்டப் பணிகள் ஆணைக்குழு சார்பில், வரும் 14ம் தேதி, லோக் அதாலத் என்னும் மக்கள் நீதிமன்றம் கூடுகிறது.

திருப்பூர் மாவட்ட கோர்ட் வளாகத்தில் எட்டு அமர்வு; உடுமலையில் நான்கு அமர்வு மற்றும் பல்லடம், அவிநாசி, காங்கயம், தாராபுரம் ஆகிய பகுதிகளில் தலா இரண்டு அமர்வு என மொத்தம் 20 அமர்வுகளில் வழக்குகள் விசாரணைக்கு எடுக்கப்படும். கோர்ட்களில் நீண்ட காலம் நிலுவையில் உள்ள, வாகன விபத்து இழப்பீடு வழக்குகள்; சிவில் வழக்குகள், செக் மோசடி வழக்குகள்; குடும்ப நல வழக்குகள், நில அபகரிப்பு அசல் வழக்குகள்; வங்கிவராக்கடன் வழக்குகள், சேவை தொடர்பான வழக்குகள், சமரசத்துக்குரிய சிறு குற்ற வழக்குகள், போக்குவரத்து விதி மீறல் வழக்குகள் உள்ளிட்டவை விசாரணைக்கு எடுத்து தீர்வு காணப்படும்.இதில் பங்கேற்று பயன் பெற விரும்புவோர், சட்டப் பணிகள் ஆணைக்குழுவை தொடர்பு கொள்ளலாம்.