திருப்பூர்; மே, 16ம் தேதி பிளஸ் 1 தேர்வு முடிவுகள் வெளியாகின. இத்தேர்வு எழுதி, விடைத்தாள் நகல் கேட்டு விண்ணப்பித்தவருக்கு, கடந்த 10ம் தேதி விடைத்தாள் நகல் இணையதளத்தில் வெளியிடப்பட்டது. மறுகூட்டல் அல்லது மறுமதிப்பீட்டுக்கு விண்ணப்பிக்க விரும்புவோர் www.dge.tn.gov.in என்ற இணையதளத்தில் விண்ணப்பங்களை பதிவிறக்கம் செய்து, விபரங்களை பூர்த்தி செய்து இன்று மாலைக்குள், திருப்பூர் கலெக்டர் அலுவலகத்தில் உள்ள மாவட்ட தேர்வுகள் உதவி இயக்குனர் அலுவலகத்தில் ஒப்படைக்க வேண்டும்.

மறுமதிப்பீட்டுக்கு பாடம் ஒன்றுக்கு, 505 ரூபாய், மறுகூட்டலுக்கு உயிரியல் பாடத்துக்கு, 305 ரூபாய், பிற பாடங்களுக்கு தலா, 205 ரூபாய் கட்டணம் என, மாவட்ட தேர்வுகள் துறை அதிகாரிகள் தெரிவித்துள்ளனர்.