திருப்பூர் லயன்ஸ் கிளப், மாவட்ட பார்வை இழப்பு தடுப்பு சங்கம், கோவை அரவிந்த் கண் மருத்துவமனை சார்பில், 779வது மாதாந்திர இலவச கண் சிகிச்சை முகாம், குமரன் ரோடு, லயன்ஸ் கிளப் அலுவலகத்தில் நேற்று நடந்தது.

எஸ்.எஸ்., டேப்ஸ் ஆறுமுகம், வர்ஷினி யார்ன் பத்மநாபன், எஸ்.பி., டெக்ஸ் பொன்னுசாமி ஆகியோர் துவக்கி வைத்தார். லயன்ஸ் கிளப் தலைவர் வெள்ளியங்கிரி, செயலாளர்கள் பரமசிவம், கிருஷ்ணமூர்த்தி, பொருளாளர் கோபிநாதன் ஆகியோர் முன்னிலை வகித்தனர். 175 பேர் பங்கேற்றனர்; உயர்சிகிச்சைக்கு, 52 பேர் பரிந்துரைக்கப்பட்டனர். அடுத்த முகாம், ஜூலை, 20ம் தேதி நடக்குமென அறிவிக்கப்பட்டது.