திருப்பூர்; திருப்பூர் - அங்கேரிபாளையம் ரோட்டில் உள்ள கொங்கு வேளாளர் மெட்ரிக் மேல்நிலைப்பள்ளியில், போதைப்பொருள் விழிப்புணர்வு வாரம் கடைபிடிக்கப்பட்டது.

மாணவ, மாணவியருக்கான பேச்சு, கட்டுரை, வாசகங்கள் எழுதும் போட்டிகள் நடந்தன. அனுப்பர்பாளையம் எஸ்.ஐ., ராமசாமி, தலைமைக்காவலர் இன்பா ஆகியோர் போதைப்பொருள் பயன்படுத்துவதன் தீமைகள்; விளைவுகள், பெண் குழந்தைகளுக்கு பாலியல் அத்துமீறல்கள் தொடர்பான விழிப்புணர்வு, போக்சோ சட்டம் ஆகியன குறித்து பேசினர்.

பள்ளி முதல்வர் சுமதி, செயலாளர் கீதாஞ்சலி கோவிந்தப்பன் ஆகியோர் பங்கேற்றனர். துணை முதல்வர் கோமதி வரவேற்றார். உதவி தலைமையாசிரியர் கலைச்செல்வி நன்றி கூறினார்.