புதிய வளர்ச்சி ஏற்படும்...

ஒட்டுமொத்த ஜவுளித்தொழிலும், 2022, 2023ம் ஆண்டுகளில் பல்வேறு சோதனைகளை சந்தித்தது. 2024ம் ஆண்டுக்கு பின்னரே, சர்வதேச அளவில் நிலைமை சீரானது. அதன் தொடர்ச்சியாக, அனைத்து தொழில் பிரிவுகளிலும் சீரான வளர்ச்சி கிடைத்து வருகிறது. பருத்தி நுால், துணி மற்றும் ஜவுளி பொருட்கள் ஏற்றுமதி வழக்கமாக நடந்து வருகிறது. அதற்கு இணையாக, செயற்கை நுாலிழை, துணி மற்றும் ஜவுளி பொருட்கள் ஏற்றுமதியும் படிப்படியாக உயர்ந்துள்ளது. இதன் வாயிலாக, திருப்பூர் தொழில்துறையினர், செயற்கை நுாலிழை கொண்டு, பல்வகை துணி ரகங்கள் உற்பத்தி செய்யவும், புதிய டிசைனில் செயற்கை நுாலிழை ஆடைகள் உற்பத்தி செய்யவும் வாய்ப்புகள் அதிகரித்து வருகிறது. உள்நாட்டு விற்பனைக்கு மட்டுமல்ல, ஏற்றுமதி வர்த்தகத்திலும் இது புதிய வளர்ச்சியை ஏற்படுத்தும்.- திருப்பூர் தொழில்துறையினர்