உடுமலை; உடுமலை பகுதிகளில் தற்போது மழை துவங்கியுள்ள நிலையில், மழையை பயன்படுத்தி உழவு செய்து, பயிர் சாகுபடி மேற்கொள்ள, வேளாண்துறை சார்பில் மானிய விலையில் விதைகள் வினியோகம் செய்யப்படுகிறது.

உயர் விளைச்சல் ரகங்களான, சோளம் கோ-32, தேவையான அளவு இருப்பு உள்ளது. ஒரு கிலோ விதைச்சோளம், ரூ.70 ஆகும். இதில், அரசு மானியம், ரூ.30; விவசாயிகளுக்கு, ரூ.40க்கு வழங்கப்படுகிறது. உளுந்து வி.பி.என்., 8 ரக விதை ரூ.128, அரசு மானியம், 50 வழங்குகிறது. விவசாயிகள், ரூ.78 செலுத்தி பெற்றுக்கொள்ளலாம். தென்னையில் ஊடுபயிராகவும், உளுந்து, சோளம் விதைக்கலாம், மானிய விலையில் விவசாயிகள், விதைகளை வாங்கி பயன்படுத்திக்கொள்ளலாம், என உடுமலை வேளாண் உதவி இயக்குனர் தேவி தெரிவித்துள்ளார்.