திருப்பூர்: குழந்தை தொழிலாளர் முறை எதிர்ப்பு தினம் நேற்று கடைபிடிக்கப்பட்டது. 'குழந்தை தொழிலாளர் முறையை ஒழிப்போம்' எனும் தலைப்பில், சிக்கண்ணா அரசு கலைக் கல்லுாரி, நாட்டு நலப்பணித் திட்டம் அலகு - 2 சார்பில், விழிப்புணர்வு மற்றும் உறுதிமொழி ஏற்கும் நிகழ்ச்சி நடந்தது.

கல்லூரி முதல்வர் கிருஷ்ணன் தலைமை வகித்தார். என்.எஸ்.எஸ்., அலகு - -2 ஒருங்கிணைப்பாளர் மோகன்குமார் முன்னிலை வகித்தார். மாணவ செயலர் கிருஷ்ணமூர்த்தி, தீபாஸ்ரீ தலைமையில்,'குழந்தை தொழிலாளர்களை கண்டறிந்தால் புகார் தெரிவிக்க வேண்டும்,' என விழிப்புணர்வு ஏற்படுத்தப்பட்டது.

 திருப்பூர், மங்கலம் ரோடு, குமரன் மகளிர் கல்லுாரியில், நாட்டு நலப்பணித்திட்டம் சார்பில் நடந்த விழிப்புணர்வு நிகழ்ச்சிக்கு, கல்லுாரி முதல்வர் வசந்தி தலைமை வகித்தார். மாணவியர் கூடி, குழந்தை தொழிலாளர் முறையை அகற்ற சபதமேற்றனர்.