அனுப்பர்பாளையம்;திருப்பூர், பல்லடம் ரோடு, தட்டான் தோட்டம் பகுதியில் அமைந்துள்ள விசாலாட்சி உடனமர் விஸ்வநாதர் கோவில் கும்பாபிஷேகம் இன்று காலை, 9:30 முதல், 10:00 மணிக்குள் நடைபெறுகிறது.

விழாவுக்கு, மாதொருபாகனார் அறக்கட்டளை தலைவர் சுந்தரகணேசனார் முன்னிலை வகிக்கிறார். கும்பாபிேஷகத்தை முன்னிட்டு, நேற்று மாலை பக்தர்கள் முளைப்பாலிகை எடுத்து, கோவிலுக்கு ஊர்வலமாக கொண்டு சென்றனர்.

தொடர்ந்து சுவாமிக்கு சிறப்பு அபிஷேகம் மற்றும் பூஜை நடைபெற்றது. பக்தர்களுக்கு பிரசாதம் வழங்கப்பட்டது. இன்று காலை, 9:15 மணிக்கு கும்பாபிஷேகம் நடைபெறுகிறது. விழா ஏற்பாடுகளை, ஊர் பொதுமக்கள் செய்து உள்ளனர்.