அவிநாசி - அத்திக்கடவு திட்டம் செயல்படுத்த வாய்ப்பு

பவானி ஆற்றில் வெள்ளப் பெருக்கு ஏற்பட்டு, காலிங்கராயன் அணைக்கட்டு நிரம்பி, உபரிநீர் வெளியேறும் பட்சத்தில், அத்திக்கடவு அவிநாசி நீர் செறிவூட்டும் திட்டம் செயல்படுத்த முடியும் என்ற நிலையில், இம்முறையாவது திட்டத்தை செயல்படுத்த வேண்டும் என, விவசாயிகள் எதிர்பர்க்கின்றனர்.
'களஞ்சியம்' விவசாயிகள் சங்க ஒருங்கிணைப்பாளர் சுப்ரமணியம் கூறுகையில், ''60 ஆண்டு எதிர்பார்ப்பு, தொடர் போராட்டத்தின் விளைவாக உருவான அத்திக்கடவு - அவிநாசி திட்டத்தை செயல்பாட்டுக்கு கொண்டு வர வேண்டும். மழையில்லை என்ற காரணத்தை கூறியே, கடந்த இரு ஆண்டுகளாக காலம் தாழ்த்தப்பட்டு வந்த நிலையில், தென் மேற்கு பருவமழை வலுவாக பெய்து வரும் நிலையில், இம்முறையாவது திட்டத்தை செயல்பாட்டுக்கு கொண்டு வர வேண்டும்'' என்றார்.--