தண்ணீருக்கு கைவிரிக்கக்கூடாது

பி.ஏ.பி., வாய்க்காலில் பாசனத்துக்கு ஐந்து சுற்று தண்ணீர் விடப்படும். முதல் மண்டல பாசனத்துக்கு தண்ணீர் பற்றாக்குறையை கருத்தில் கொண்டு இரண்டரை சுற்று தண்ணீர் விடுவதாக முடிவு செய்யப்பட்டது. ஆனால், இரண்டு சுற்று மட்டுமே விடப்பட்ட நிலையில் தண்ணீர் இல்லை என்று அரசு கை விரித்தது. தற்போது நல்ல மழை பெய்து சோலையாறு அணை, 100 அடியை தாண்டி உள்ளது.வரும் ஆடி மாதத்தில் இரண்டாம் மண்டல பாசனத்துக்கு தண்ணீர் திறக்கப்பட உள்ளது. அதற்கு முன், முதல் மண்டல பாசனத்துக்கு பாக்கி வைத்துள்ள அரை சுற்று தண்ணீருக்குப் பதிலாக ஒரு சுற்று தண்ணீர் திறந்து விட்டு, தென்னை விவசாயிகளின் வாழ்வாதாரத்தை பாதுகாக்க அரசு முன்வர வேண்டும்.- பொங்கலுார் வட்டார விவசாயிகள்